बोदली ग्रामपंचायत

बोदली हे गाव गडचिरोलीपासून पूर्वेला सुमारे ५ किमी अंतरावर आहे. धानोरा-गडचिरोली राष्ट्रीय महामार्ग (NH-930) पासून बोदली ग्रामपंचायतीला सहज पोहोचता येते. बोदली हे गाव मामा तलाव व देव तलावाला लागून आहे. नैसर्गिक सौंदर्य, हिरवीगार शेती आणि मैत्रीपूर्ण वातावरण यामुळे बोदली गाव परिसरात विशेष ओळख निर्माण झाली आहे.

ग्रामपंचायत बोदली हे ISO प्रमाणित ग्रामपंचायत आहे. संत गाडगेबाबा ग्रामस्वच्छता अभियाना अंतर्गत स्व. आबासाहेब खेडकर शौचालय व्यवस्थापन पुरस्काराने सन्मानित आहे. हर घर जल व ODF+ मॉडेल झालेले आहे. गावामध्ये सांडपाणी व घनकचरा व्यवस्थापनाचे काम उत्कृष्ट पद्धतीने राबवले जाते. कचरागाडीचे संचालन महिला बचत गटामार्फत केले जाते.